الله اوياك |
ديرة |
أضيف بواسـطة addustor |
الكاتب |
النـص :
الله اوياك..
الله اوياك
ماريدك طواري اتطوف بكتار التذم طرواك
يامزنة حلم بالعين
چم مره العطش ينخاك
يامسعد بختهه الروح
من كون الهجر وازاك
الله وياك
وشعندي ابدرب ميتين !!
جنّازك لفاني وبشّر ابفرگاك
والچادر طويته...او ختمه الك سوّيت
والماضي دفنته ... ولا أثر من ذاك
شنهي انته لبن عصفور ...!؟
لو مامش بعد بالكون وتريد الگمر ينعاك !!
لا يفلان
عود احسب وعدّ ايام وتغاوه ابعطر ملگاك
لايفلان....
لايفلان...
ذاك اول عشگ مبيوگ من طور الفشل غنّاك
ذاك أول حلم بردان
من عفته ابصليل اشتاك
هسّه الشييب جَسّ الحيل
وشراع الخواطر ماتجس مَرساك
هسه الليل مزنة خوف
دلاّني اعله درب الأووف...... مادلاك
ظلّ اهناك...
ظل اهناك...
ظل انته اعله غيضك ليل
ونطر ياشمس تلفاك ...! ؟
الله اوياك
كاظم العطشان
|
المشـاهدات 351 تاريخ الإضافـة 06/01/2024 رقم المحتوى 37009 |
الصدر: عطلة يوم الغدير مطلب لإكمال الدين وإتمام النعمة التي أعلنها رسول الله "ص" في حياته |
المتحدث بإسم حزب تقدم "محمد العلوي": والله العظيم اذا الرئيس الحلبوسي قال لي موت، فأنا سوف اموت |
وفاة المدعو عبدالله الملقب بـ"جوجو" في سجن العدالة السابع بظروفٍ غامضة |
عجّلت الرحيل يا صديقي خاطرة في توديع فقيد الساحة الأدبية الدكتور عبدالله المعطاني |
هدية حمد الله. |