......

ياهو شال الكاع خلاها اعله جفك

وانت حاضن طيب بعروك الشجر

ومنهو شال الماي من حضن الشواطي

ونزّل من الغيم حبات المطر

الشمس ماتندل ضواها

وين وبأي اتجاه

ايدك الجرت شعرها ابلا خجل

ألله ينطيك اعله نيتك

لاتخاف ..الدنيه مابيها غريب

والكصب ينبت كصب كلما يشيب

لا تبجيني الشمس تبجي ضوه

والكمر يضحك ضوه

النهر عطشان من مينه ارتوه

وألله من جاب الشمس سلمها بيدك حتى اني اوياك وازلوف الشمس نمشي سوه

منيلك هاي الوكاحه

منيلك هذا الغوه

تكدر اطفي الشمس

لا مستحيل

احنه من ألله خلقنه

ندري بالظلمه جبانه

تموت لو شافت ضوه

ولا يهمك..

الفرج جاي

القفل والمفتاح عندي..

للهدف نوصل سوه

*محمد المحاويلي