تاخذني أحط روحي

 غثیث بکلشي أتدخّل

وأحچیلك تفاصیلك

 حتی براسك اتعیقل

ططوة وما لگت نخلة

 بطولك گوّة تتمحچل

عاشگ من زغر زلفي

نون النسوة وإمبلل

أسْلت خوص حصرانك

أمل للعاش يتأمّل

أترس ريحة الكاروك

جوز يعجبك إمدعبل

اقرالك إبن كلثوم

والضلّيل والاخطل

نقل أنطيك ما منطيه

لغيرك قبل بس تقبل

اشريلك هدوم العيد

من النصّة والجدول

أعْوِج ريش بنكتكم

حتى البنكة ما تحبل

يا رمل الچمة المفروك

يا تمّن كَلَم واجمل

یو لا أفلت بریشي

براگ وطابها حويشي

وأگطع کل مرگ زعلان

 وباچر أرجع أتوسّل ..

اموري ميخه