لِون چفّي النِوايب  ماهدنّي

حرب وأعلن زماني ماهدنّي

مِشن بدروب وحشه ماهدنّي

گصَن وترادِفن نچلات بيّه

*****

يدَهري أخيول غدرك غَصُب ياليت

وردتها أوياك تگضي أبريت ياليت

عساها أفراح وكتي أبليل  ياليت

سِما أغيوم الحزن بنجوم إليّه

******

خَذت ونّي لَها الثكلى  تَوانه

يحادي أبهيد من تمشي تَوانه

مِليت الشوف بحبابي تَو انه

تَريّض بالرَحيل إعتاب إليّه

ياسين الغزي / الناصرية

من الدارمي

عنبر زرعت الكاع شو خضر أدنان

مدري ألبزر بيه صوج مدري ألبخت خان

****

خط رجعه ما خلٌيت ..عفت أمك أتلوع

مو جنت تلبس قوط من ثوبي مركَوع

****

يل تنشد على الحال هذا آنه حالي

أرعى بحلال الجان يرعى بحلالي

****

آخ شكثر عل الآخ متعلمه هل الروح..

حته بفرح نوبات من تطرب إتنوح..

****

شيب وطلع بالراس يتعالج بلون ..

بعيوني بان الشيب اصبغهن شلون؟

*****

‏اتعارك ويه النوم بلكي اغفى و انساه

تاليها صوره و صوت وبحلمي   الگاه

****

كلي إلك، كلي وياك، يالكلك وياي

ميت و أموت عليك! هم سامع بهاي؟

****

گالتلي راح انشيل گلتلها وانه

گالتلي شد اوزار والطم ورانه

شاعر مجهول