قصيدة اموشح من بحرالرمل

يالموالي اليوم هل شهر الحزن

البيه روح ام  الفخر ضلت تون

اجم كلب طفله وطفل بيه ينذعن

البيه سسبيها وبيه ذبح وليانها

امصابها افگدان  وليان الخدر

حسين منها يروح ويروح البدر

وعلي وجاسم  والاشد ومضه الشمر

يحرك اخيمها وتهج رضعانها

اه اه واه  من  هذا  الشهر

البيه تشوف حسين مكطوع النحر

البيه جف عباس بالسيف انبتر

ومايضل كل واحد من اخوانها

هذا شهر الضيم والهم والعنَه

انفگد بيه الفرح والعز والهنه

بيه كل ساعه التمر تنعد سنه

والهواشم تنفگد تيجانها

هذا شهر البيه كل مدمع يهل

بيه ريحانة محمد ينچتل

بيه زينب تنسبي وفوك الهزل

وتفرغ من اهل المجد ديرانها

نعي

يشهر البيه الحزن من دون الشهور

وخلف كل كلب لحسين مكسور

وكلب البيه رجس والحقد مسرور

فكدنه انجوم بيه اشكثر وبدور

اجفوف امبتّره وجم نحر منحور

ابوذيه

من يوم الذي يهلال هليت

ابليالي امورثات الحزن هليت

دموع اعله اخوتي الطيبين هليت

ابفگدهم والحزن خيّم عليه

نعيم رمضان الخيكاني