توقيـت بغداد 
امن اهدها اتگـول هوسـات القـبـيـلـــه
#إحسان_العيد
من اشهر مطاعم بغداد :
همبركر ابو يونان ..؟
 |
| امن اهدها اتگـول هوسـات القـبـيـلـــه #إحسان_العيد من اشهر مطاعم بغداد : همبركر ابو يونان ..؟ |
  
|
 ديرة |
| أضيف بواسـطة addustor |
| الكاتب |
| النـص :
وابو يونان كان اشهر مطاعم الوجبات السريعة والمميزة في بغداد انه مطعم ابو يونان ويعتبر ابو يونان من الشخصيات التي تركت اثرا واضحا في التراث البغدادي خصوصا وهو السبب الرئيس في انتشار اكلات كانت غريبة على المجتمع العراقي كالكص والهمبركر واسمه الحقيقي بطرس عوديش واشتهر بأسم ابو يونان صاحب اشهر مطعم وافران للصمون الاوتوماتيكي في العراق وهي افران بابل الاتوماتيكية ابتدأ عمله في منتصف الخمسينات في كشك صغير في منطقة العلوية مقابل بريد العلوية وكان هو وزوجته يصنعون الهمبركر بايديهم ورغم وجود العديد من المطاعم التي كانت تقدم الهمبركر وباسعار اقل من اسعار ابو يونان الا ان الاكثرية كانت تتناول همبركر ابو يونان بسبب نظافته واضافته للبصل وبعض انواع التوابل التي يحرص على الانفراد بها اضافة الى حسن معاملته للزبائن مما اكسبه شهرة كبيرة وكان الاقبال عليه شديدا بعد سنوات بدا اولاده يديرون الكشك ثم اشتروا قطعة الارض القريبة من الكشك والتي تقع بين ساحة كهرمانة وساحة الفتح في شارع السعدون وبنوا عليها عمارة تحتوي على مطعم ابو يونان وفرن بابل للصمون الاوتوماتيكي او كما يعرف في العراق بالصمون الفرنسي في الستينات من القرن الماضي افتتح ابو يونان اول مطعم للشاورما ( الكص) في بغداد واصبح هو اول من يدخل هذه الاكلة الى المجتمع العراقي حيث كان يقدم هذه الاكلة الشهيرة في مطعمه قرب بدالة العلوية وفي عام 1968م تم افتتاح الفرع الثاني في شارع الرشيد في ركن صغير من بناية دائرة الكمارك والمكوس والتي هدمت فيما بعد بسبب انشاء جسر السنك الحالي كانت لفة الهمبركر بـ 50 فلسا ولكن ابو يونان كان يبيع الهمبركر بـ 60 فلسا اما سعر لفة الكص فكان اربعين فلسا ثم رفعها الى ستين فلسا وهو مبلغ ليس بالهين في ذلك الزمن اذا ما عرفنا ان سعر وجبة الباجة كان سبعين فلسا وان شيش التكة والكباب بـ 20 فلسا مما دفع بعض ضعاف النفوس من اصحاب المطاعم الى بث الاشاعات ومحاربة ابو يونان للحد من شهرته فنشروا بين العامة اشاعات بانه يصنع الهمبرغر و الشاورما من لحم البعير في محاولة منهم للاقلال من الزبائن الذين يقصدون مطعم ابي يونان ولكن جاءت الامور بصورة معاكسة حيث تعاظمت شهرة مطعم أبو يونان ليصبح حديث كل الأوساط بما فيهم المسؤولين الذين كانوا يحرصون على تناول همبركر وكص أبو يونان و كان الحصول على سندويج الكص و الهمبركر بالطابور وكان يقدم معهما اللبن وقناني الكولا والعصائر الطبيعية اتسع نطاق عمل ابو يونان في سبعينات القرن الماضي وفتح فرعا اخر في السعدون مقابل سينما السندباد (الأورفلي) لكن وفي نهاية ثمانينات القرن الماضي وبلا مقدمات تم غلق المطعم بكل فروعه واختفى ابو يونان الذي كنا نشاهده في المطعم وضاعت اخباره رغم من وجود الكثير من المنتجات والمطاعم حاليا تحمل اسم ابو يونان ؟ .
(ليش اتخاف..؟)
-لاتخف ...فأنك في شغاف القلب-
ليش اتخاف....؟ موانته ورد والحاضنك صفصاف موانته الكلب تنسمع ماتنشاف من لون البنفسج بالنفس شفاف تبهج شوفتك لونين لون من الشمس مغزول لون الماتوصفه اشفاف ليش اتخاف....؟ يابلور وبغندور ربك ناصفاك انصاف من تزعل كمر بالليلة الينضاف ومن تفرح وجه ماتنعرفله اوصاف ليش اتخاف....؟ وانته اطوير جنه اويه الطيور الصافات اصفاف وانته ابرج عالي اشلون كلي اتخاف وانته من النوارس ماتذيع اسرارهه وتنحاف يطوير البراري ورقة الخطاف وانته من الزنابق مايها ايروي السموم الجاف ليش اتخاف....؟ موعادة حمام البيت يتنكر حمام الزاف ياغرة فجر ولهان هوره بنغمة الحذاف ياقطر النده.... ايريع عليك الليل والقداح والشاف النده وماشاف ليش اتخاف....؟ موانته الطوينه الطاهره وديرة عربنه وضايف ومضياف. * المرحوم كامل سواري
ردتك مره..!)
رتك مرة تعرفني بحياتك ماريدك تحبني بقدر،ذاتك ردت تفهم ،،،،،،،،شعوري وتحس معنئ الحضوري مو ورقة اضل،،،،،،،،بذكرياتك ،،،،،،،،،،، ،،،،،، ،،، كنت تبعد عن العين وتضل صورة بخيالي وكلما التقي بيك احسك،،،،،لا ابالي صرت مادري،،،،شتريد يمي واشعر،،،،،،،ابعيد متغير احس،،،،حتة،،،،،بصفاتك ،،،،،،، ،،،،،،،،،،،،،،،، صبرت اهواي،،،،،عل،صار ماضل عندي،،،كل حل بس قررت ،،،انساك من هل لحضةوارحل صعب ارجع وعذرك وسهل عندي اخسرك وما انضاف يوم،،،،الخساراتك يوسفني!! اضل ،،،،بذكرياتك * محمد زبون
من النعي: ( مجبور...)
مجبور اونن وابچي مجبور كسر الگزاز الگلب مكسور لابال صافي ولاني مرتاح واليل اجلبه تگول ناعور ****************** جدر الهموم مركب يفور ودموعي تگطف گطف ناعور لاامام ضل الما رحت ليه ولاسيد المايطلب انذور ****************** ماضل بخت مابيه تنخيت ولاسيد الما ليه تعنيت اطلبتك تجي بكل المزارات وبكل ضريح علوگ شديت ****************** لاجيت ليه انصفي الگلوب ولاردتك دعوات الغروب گلبي بغيابك يوجعه اليل مثل الوحيد وثار مطلوب ******************* اليل كله اگضيه اللوجن ودموعي فوگ الخديموجن تنام الخلايگ وانه اگضيه مگروص حيه تكول اهوجن ******************* كساع اطرگه الباب طرگه خافن يجي ويستحي يدگه واتخيله من افتح وره الباب فاتحلي اديه امتاني شبگه ****************** ويطلع حلم والباب چذاب ولابيه كل ريحه من الحباب وارجع اسده وگلبي مكسور ويرجع رشيح العين خنياب ****************** وارجع اخطن بالجدم خط امشي ودمع عيني ايتلطلط مثل الي بين اثنين ضليت تريد الضناها وخانها الشط ****************** مشتاگ الك يانور عيناي شوگ الگبور الرشت الماي كل ونه اونها اتهز الجبال مااعرف اون اعليك بهداي ****************** مكتوب اون ليلي ونهاري ونت حزن ريمه اعله ساري من كثر ماون صرت مكروه ذب بروه اخوي وشال جاري ****************** محد الگال ينوح معذور مفارگ عزيز وگلبه مفطور بطران كل ضنهم ميدرون مجبور اونن وابچي مجبور ****************** *غالب النهيراوي
|
| المشـاهدات 1212 تاريخ الإضافـة 15/04/2023 رقم المحتوى 19041 |
أخبار مشـابهة |
عاجل مصدر: الحكم على ام اللول بالحبس البسيط لمدة ٤ اشهر بتهمة المحتوى الهابط
|
 |
حملة واسعة لإزالة الكتل الكونكريتية من شوارع وازقة منطقة الكاظمية المقدسة في بغداد وتعد الحملة الاولى منذ عام 2003
|
 |
وزير العمل: هيأنا كل الامور والجوانب اللوجستية الخاصة بانعقاد مؤتمر العمل الدولي في بغداد |
| افتتح مباني الأقسام الداخلية المؤهلة في جامعة بغداد
العبودي يؤكد اعتماد سياسة تدويل التعليم واستقطاب الطلبة الدوليين في الجامعات العراقية
|
 |
متطرفان يقتحمان مسجدا في بغداد ويعتديان على إمامه
انتحارات القربان المرعبة تعود إلى ذي قار
|
