الشاعر ذياب گزار ابو سرحان ابن الشطرة الذي عاش في البصرة وفُقِدَ في بيروت، هذه قصيدته كرستال وشمس، التي لحنها الراحل محسن فرحان وغنتها الفنانة أمل خضير .

مره مرني الطيف نسمه اعله جنح

وبلل عيوني بدمعتين الصبح

ونكط بهيده اعله روحي الغافيه سوالف عرس

وجانت الكذله ذهب

وجانت الدنيا كرستال وشمس

..

مره مرني الطيف والنومه ثجيله

وشاورتني وشفتك هلال ابو ليله

وانه وصيته وعدني وكَالي ارجعلك سوه

وجانت الكذله ذهب

وجانت الدنيا كرستال وضوه

..

مره مرني الطيف مهره مزلفه

وذب غطوته البارده گليبي ودفه

وطرزت للجاي ورده من الفرح

وجانت الكَذله ذهب

وجانت الدنيا كرستال وقزح

..

مره مرني الطيف وبثوبي الجديد

وخضر بروحي كَمر وهلال عيد

وانه وصيته اعله باجر مثل امس

وجانت الكَذله ذهب

وجانت الدنيا كرستال وشمس